Panalangin para makontrol ko ang galit at emosyon sa tulong ng Diyos
Panalangin para makontrol ko ang galit at emosyon sa tulong ng Diyos
“Higit na mabuti ang hinahon kaysa kapangyarihan, at ang pagsupil sa sarili kaysa pagsakop sa mga bayan” — Kawikaan 16:32
Walang-hanggang Ama, na naninirahan sa kalangitan ngunit namumuhay sa mapag-pakumbabang mga puso, dumudulog ako sa iyo na nahihiya dahil sa aking pagkamainitin at pagkamagagalitin.
O mahal na Ama, hindi ko alam ang aking ginagawa kapag inabot ako ng mga gayong init ng galit. Tila hindi ko sila makontrol. Tunay na pagkasabing-pagkasabi ko ng masasamang bagay, kaagad akong nahihiya. Ngunit sobrang tigas ng aking kapalaluan para matanggap kong ako’y mali.
Tulungan mo ako, mahal na Ama, tulungan mo ako, pagkat alam kong hindi lamang sarili ko kundi pati kapwa ko ang nasasaktan ko. Oo, dahil sa pagkamainitin at pagkamagagalitin, nawawalan ako ng kaibigan at ako’y nagiging kahabag-habag at malungkot. Sana, Ama sa langit, tulungan mo akong kontrolin ang aking sarili nang mas mahusay. Nais kong magbago nang buong puso!
Oo, Ama, hindi ko sasadyaing manakit ng sinuman sa pamamagitan ng salita o gawa. Ang puso ko’y mapagmahal sa iyo at gusto kong gawin ang tama. Alam mo kung gaano ko ikinalulungkot ang pagkamabiglain at alam mo kung gaano ako kasigasig na magbago.
Binuksan ko na ang puso ko sa iyo, mahal na Ama. At nadarama kong ito’y lilinisin mo upang gawin itong dalisay. Nadarama ko talaga na ibibigay mo sa akin ang iyong pagpapala at tutulungan mo akong timpiin ang aking sarili. Dahil dito, mapalalakas mo, mahal na Ama, ang aking puso at isipan ubod nang lakas upang makasuong nang mahinahon at kontrolado sa darating pang mga araw! Amen.
Tags: Panalangin para makontrol ko ang galit at emosyon sa tulong ng Diyos
Posted in Tagalog Daily Prayers | No Comments »
Panalangin para tulungan na magapi ang masasamang gawi
Panalangin para tulungan Ako ng Diyos na magapi ang masasamang gawi
“Hanapin ang Panginoon, at ang kanyang lakas” — Awit 105:4
Maawain at mapagmahal na Ama, lahat ng puso ay nakabukas sa iyo, at walang maililihim sa iyo, itinuon ko ang aking paningin sa mga burol na pagmumulan ng mga saklolo tulong sa panahon ng tukso.
Pagkat kailangan ko niyaong tulong, mahal na Ama kailangan ko iyon para maiwasan ko ang masamang gawi na nagpapasama sa aking buhay. Alam mo kung paano ako inudyukan nito at kung gaano katindi, mahal na Ama.
Totoo, Ama, gusto ko nang iwanan ang masamang gawi, subalit tila ako’y walang kapanyarihan gayon na lang ang pamamayani nito sa akin.
O, Mahal na ama, tulungan mo akong burahin ang masamang ugaling ito. Gapiin ang masamang gawing ito pagkat ito’y masama sa aking kalusugan. Tulungan mo ako na para bang ako’y isang munting bata, mahina at kailangan ng iyong kalinga.
At susubukin ko, ama, talagang susubukin ko. Agad akong magsasabi ng “Hindi!” sa tuwing ako’y uudyukan. At nadarama ko na ako’y lalakas pa nang lalakas.
Salamat sa iyo, Ama, pagkat ang munting dalanging ito ay nagpalakas at nagpaganda ng aking pakiramdam. Salamat at binibigyan mo ako ng pag-asa. Salamat at inabot mo ang aking mga kamay sa paghahabilin mo nito sa iyong anak na si Hesus, na ilang ulit na tinukso subalit tumanggi sa kasamaan hanggang sa huli siya na iyong anak ay aming Panginoon at Tagapagligtas. Amen.
Tags: Panalangin para tulungan Ako ng Diyos na magapi ang masasamang gawi
Posted in Tagalog Daily Prayers | No Comments »
