Panalangin sa pagtataguyod ng Pamilya
“Panalangin para sa Tulong ng Diyos sa pagtataguyod ng Aking Pamilya”
“Ituro sa bata ang daang dapat niyang lakaran, at sa kanyang paglaki’y di niya ito malilimutan” – Kawikaan 22:6
Mapagmahal na Ama sa langit, manlilikha ng lahat ng bagay na buhay, ngayon ang tamang tiyempo para ako’y tumawag sa iyo tahanang ito na ipinagkaloob mo sa amin at dito mo ako biniyayaan ng isang mapagmahal at mabuting pamilya.
Alam mo ang lahat tungkol sa amin, mahal na Ama, kaya hindi ko na kailangang sabihin sa iyo ang mga pagsubok na madalas kong kinakaharap sa pagtataguyod ng aking pamilya. Alam mo kung paano ako napapagod at nahahapo sa pagsubaybay lang sa kanila, at kung paano nila ako pinag-aalala paminsan-minsan. Sila ay mapagmahal at mabubuting anak, Ama, subalit minsan ang kanilang pananalita at ginagawi ay hindi yaong aking inaasahan mula sa kanila. Nauunawaan mo ako, Ama, di ba?
Tulungan mo akong maging mabuting magulang, mahal na Ama, at nang maitaguyod ko ang aking pamilya nang tama. Tulungan mong lagi kong matandaan ang nasa loob ko na musmos man o malaki na, silang mga anak ko sila ay mananatiling aking mga sanggol. Tulungan mo akong laging alalahanin ito at nang sa gayon, maunawaan ko sila at matutulungan. Turuan mo ako nito at nang mahubog ko sila upang sila’y maging mabuti, matapat, at banal.
O Ama, alam kong naririnig mo ang aking dalangin. Alam kong mamahalin, pangangalagaan, at gagabayan mo ako at ang aking pamilya, at tutulungan mo akong itaguyod sila upang kami’y maging isang kaibig-ibig at maligayang pamilyang naglilingkod sa iyo.
Sa ngalan ni Hesus na kumalong ng maliliit na bata at nagwika: “Hayaan ninyong lumapit sa akin ang mga bata… sapagkat sa mga katulad nila naghahari ang Diyos.” Amen.
Tags: Panalangin sa pagtataguyod ng Pamilya
Posted in Tagalog Daily Prayers | No Comments »
Panalangin para sa Kalusugan at Paggaling
“Ilalayo kayo ni Lord sa mga karamdaman” – Deuteronomio 7:15
Mahal na Ama sa langit, na tinitingala ng lahat ng mga tao, panatilihin mong bukas ang puso’t isip ko na sa sandaling ito ng pananalangin nang igawad sa akin ng iyong mapag-mahal na puso ang lahat ng kalusugan at kagalingan.
Pagkat ako’y naging nag-alala sa aking kalusugan, mahal na Ama. Minsan tila ba ang sakit at pag-aalala, pagod at kirot ay sinasaid ang kahuli-hulihang lakas ng aking katawan.
Alam kong mahabagin ka, mapagmahal na Ama, pagkat sinubaybayan mo habang naghihirap at dumaraing maging ang iyong anak na si Hesus. Kaya tulungan mo ako, ang iyo ring anak, sa aking kahinaan at pagbata ng hirap at pasakit.
Tunay na pinasasalamatan kita dahil sa iyong mga tagapaglingkod ang mga manggagamot at ang kanilang mga panlunas, Ama. At nawa’y madama nila na sila’y talagang karapat-dapat na mga tagasunod ng Dakilang Manggagamot. Sana’y gabayan mo sila para magampanan nila ang kanilang tungkuling ako’y pagalingin.
Nais kong gumaling hindi lamang para sa aking sarili, mahal na Panginoon, kundi para sa aking mga mahal sa buhay na umaasa sa akin at para sa iyo, upang muli akong makatugon sa tungkuling iniatas mo sa akin. Kaya sana, Ama ng kalusugan, pagbigyan at pagpalain mo ako.
At ngayon, Ama, sa pagtatapos ng aking dalangin, tunay na nadarama ko ang init na siyang lakas ng iyong espiritong nagpapagaling sa aking kaluluwa at katawan. Tunay na nadarama kong ako’y mas malakas ngayon at punung-puno ng pag-asa. Salamat sa iyo, aking Ama. Ako’y nananalig sa iyo at ako’y umaasa sa tulong mo at iniisip ko pa lamang iyon ay napupuno na ako ng pag-asa at kapayapaan. Amen.
Tags: Panalangin para sa Kalusugan at Paggaling
Posted in Tagalog Daily Prayers | No Comments »
