Panalangin para sa proteksiyon sa mga kaaway at kasamaan
Panalangin para sa proteksiyon sa mga kaaway at kasamaan
“O, Panginoon, aking Diyos, sa iyo ko nasumpungan yaong aking minimithi at hangad na kaligtasan, Iligtas mo ako sa pag-uusig ng mga kaaway, Tinutugis nila ako, hindi sila naglulubay” — Awit 7:11
Mahal na Diyos, mangingibig ng aking kaluluwa, ikaw ang pinakadakilang kaibigan at tagapangalaga na ikalulugod ninuman. Kaya, pakiramdam ko ay maibubuhos ko sa iyo ang laman ng aking puso ngayon pagkat alam mo nang labis-labis ang sakit at panangis niyaring puso ko!
Pakiramdam ko ako’y nag-iisa at hindi maintindihan, mahal na Ama. Mga tao’y sobrang lupit at hindi makatarungan sa akin! alam mo kung gaano kadali nilang hanapan ako ng pagkakamali at ako’y sisihin. Oo, alam mo kung sinu-sino sila at kung paano nila pinahihirap at winawalang kabuluhan ang aking buhay!
Ayaw ko silang gawan ng anumang masama, Ama, ngunit madalas kong mapag-aralang walang dahilan para tratuhin nila ako nang ganoon. Ay, totoong sinusubok kong maging mabait at matulungin sa kanila, subalit mayroon talagang ilan sa kanila na ayaw umunawa at magpahalaga sa akin.
Sana tulungan mo akong maunawaan ito, mahal na Panginoon. Kung may ginagawa akong anuman na nagbubulid sa kanilang umakto nang ganoon, sana ay tulungan mo akong magbago! Ngunit kung ang kamalian ay hindi ko kagagawan, Ama, sana ay tulungan mo akong patawarin sila, pagkat tunay na hindi nila nalalaman ang kanilang ginagawa!
At kung ako man ay mangambang muli, mahal na Ama, ipaalala mo sa akin na kung ikaw ay kasama ko, walang sinuman ang makaaano sa akin. Alam kong ikaw ay nasa likod ko lamang kaya hindi ako dapat matakot kaninuman. Ito ay mas nagpalakas pa sa akin, mahal na Pnginoon sobrang lakas kaya’t nadarama ko talaga na hahayo na ako mula rito at hindi nangangamba sa anuman, kahit anuman! Amen.
Tags: Panalangin para sa proteksiyon sa mga kaaway at kasamaan
Posted in Tagalog Daily Prayers | No Comments »
Panalangin para tulungan ng Diyos ang aking mga mahal sa Buhay
Panalangin para tulungan ng Diyos ang aking mga mahal sa Buhay na magapi ang masamang gawi
“Tapat ang Diyos, at hindi niya ipahihintulot na kayo’y subukin nang higit sa inyong makakaya” — 1 Corinto 10:13
Makapangyarihan at walang hanggang Diyos, hindi ka pa nakikita ninuman ngunit andiyan ka lang at pwedeng lapitan! Ngayon ako’y duma-dalangin para tulungan mo ang aking mahal sa buhay na magapi ang masasamang gawi na alam mong nagpapalungkot sa aming lahat.
Ama, alam mo kung gaano katindi ng tukso sa aking mga mahal sa buhay. Alam mo na ang gawing ito ay maraming ipinapangako pero kakarampot ang ibinibigay. Oo, alam na alam mo kung paanong ang gawing ito ay nakasasama sa kanila at ito’y nakasasama rin sa aming lahat na nagmamahal sa kanila!
Alam naming sinubok na nilang gapiin ang gawing ito, mahal na Ama. At ako’y nagpapasalamat sa iyo na tinutulungan mo silang sumubok.
Ngunit kailangan pa nila ang tulong mo, mahal na Ama. Kailangan nila iyon para hindi sila mawalan ng lakas ng loob kapag sumubok silang muli at sila’y mabigo!
Pagpalain mo ang mga paraang sinusubok naming lahat. Tulungan mo kaming palakasin ang kanilang loob. At ipunla mo sa kanilang mga puso ang ilang mabuti at dakilang ambisyon, ambisyong mas matindi dito sa teribleng gawi nila, mahal na ama.
O, Ama, sana ang mahal kong ito ay mas mapalapit pa sa iyo, pagkatapos ng kaguluhang ito. Antigin mo ang kanilang mga puso at kasangkapanin mo ako sa pagtulong mo sa kanila. Iyan lang ang hiling ko, at talagang nadarama ko na ibibigay mo’yan. Dahil diyan, mapayapa akong lubos at masaya. Salamat sa iyo, mahal na Ama, salamat sa iyong mapagbigay na puso. Amen.
Tags: Panalangin para tulungan ng Diyos ang aking mga mahal sa Buhay
Posted in Tagalog Daily Prayers | No Comments »
