Panalangin para makontrol ko ang galit at emosyon sa tulong ng Diyos
Panalangin para makontrol ko ang galit at emosyon sa tulong ng Diyos
“Higit na mabuti ang hinahon kaysa kapangyarihan, at ang pagsupil sa sarili kaysa pagsakop sa mga bayan” — Kawikaan 16:32
Walang-hanggang Ama, na naninirahan sa kalangitan ngunit namumuhay sa mapag-pakumbabang mga puso, dumudulog ako sa iyo na nahihiya dahil sa aking pagkamainitin at pagkamagagalitin.
O mahal na Ama, hindi ko alam ang aking ginagawa kapag inabot ako ng mga gayong init ng galit. Tila hindi ko sila makontrol. Tunay na pagkasabing-pagkasabi ko ng masasamang bagay, kaagad akong nahihiya. Ngunit sobrang tigas ng aking kapalaluan para matanggap kong ako’y mali.
Tulungan mo ako, mahal na Ama, tulungan mo ako, pagkat alam kong hindi lamang sarili ko kundi pati kapwa ko ang nasasaktan ko. Oo, dahil sa pagkamainitin at pagkamagagalitin, nawawalan ako ng kaibigan at ako’y nagiging kahabag-habag at malungkot. Sana, Ama sa langit, tulungan mo akong kontrolin ang aking sarili nang mas mahusay. Nais kong magbago nang buong puso!
Oo, Ama, hindi ko sasadyaing manakit ng sinuman sa pamamagitan ng salita o gawa. Ang puso ko’y mapagmahal sa iyo at gusto kong gawin ang tama. Alam mo kung gaano ko ikinalulungkot ang pagkamabiglain at alam mo kung gaano ako kasigasig na magbago.
Binuksan ko na ang puso ko sa iyo, mahal na Ama. At nadarama kong ito’y lilinisin mo upang gawin itong dalisay. Nadarama ko talaga na ibibigay mo sa akin ang iyong pagpapala at tutulungan mo akong timpiin ang aking sarili. Dahil dito, mapalalakas mo, mahal na Ama, ang aking puso at isipan ubod nang lakas upang makasuong nang mahinahon at kontrolado sa darating pang mga araw! Amen.
Tags: Panalangin para makontrol ko ang galit at emosyon sa tulong ng Diyos
Posted in Tagalog Daily Prayers | No Comments »
Panalangin para dinidining ng Diyos ang Aking mga dalangin
Panalangin para Ako’y laging manalig na dinidining ng Diyos ang Aking mga dalangin
“Kaya’t lumapit tayo sa Diyos nang may tapat na kalooban at matibay na pananalig sa kanya” — Hebreo 10:22
Kahanga-hangang Diyos, aking Ama sa langit, hindi ako pababayaan ng iyong walang-hanggang pag-ibig. Dumudulog ako sa iyo tulad ng isang pagod na musmos na matagal nang nawalay sa kanyang magulang.
O, lubos kitang pinasasalamatan para sa kapayapaang ito, malayo sa mabigat na trabaho at mga pangamba. Nais kong makipag-usap sa iyo at maglakad nang kasama ka at nais kong angkining ikaw ay ama ko!
Ikaw lamang ang nakaalam, aking Ama sa langit, kung gaano kabigat ang aking dala-dalang pasanin. Wala akong makausap sinuman. Alam mo kung gaano ako kadalas manalangin, subalit ang isip ko’y lumilipad, malayung-malayo sa inuusal ng aking bibig.
Alam mo kung gaano ko kadalas kinailangang manalig na dinidinig mo ang aking dalangin.
Ibigay mo uli sa akin ang gayong pananalig, mahal na Ama malalim, tunay, at walang maliw na pananalig. Tulad ng isang musmos na may mapagmahal na ama, hayaan mong ipaubaya ko sa iyo ang aking kapalaran. Hayaan mong magkalapit tayo at tumatag ang aking pananalig. Bigyan mo ako ng pananalig, pananalig na ikaw ay laging nakikinig sa aking mga dalangin at palagi kang tumutugon nang buong dunong!
Tulungan mo ako, mabait na Ama, na madamang ako’y may gayong kalakas na pananalig sa lahat ng oras, malulungkot man o masasayang sandali. Punuin mo ako ng pananalig na makapananaig sa mga bagyo ng buhay, pananalig na bawat dalangin ko’y sinasagot mo sa iba’t ibang paraan!
Ibigay mo sa akin ang pananalig na magpapaligaya sa akin gaya ngayon masigla, mapagpasalamat, at maginhawa. Amen.
Tags: Panalangin para Ako'y laging manalig na dinidining ng Diyos ang Aking mga dalangin
Posted in Tagalog Daily Prayers | No Comments »
